Аб прадпрыемстве
Сістэма мэнэджменту якасці праектавання, распрацоўкі і вытворчасці паўправадніковых прыбораў і электронных сістэм для сельскагаспадарчага машынабудавання адпавядае патрабаванням СТБ ISO 9001-2009.
Унітарнае прадпрыемства «СКБ Захад» спецыялізуецца на праектаванні, распрацоўцы і вытворчасці паўправадніковых прыбораў і электронных сістэм для сельскагаспадарчага машынабудавання, у тым ліку розных тыпаў датчыкаў, бартавых камп’ютараў і блокаў кантролю. Досвед і навыкі персанала ў праектаванні дазваляюць атрымліваць сучасныя тэхнічныя рашэнні і ствараць унікальныя сістэмы, блокі, прыборы.
Асноўнымі відамі дзейнасці «СКБ Захад» з'яўляюцца фундаментальныя і прыкладныя даследаванні, эксперыментальныя распрацоўкі ў галіне натуральных і тэхнічных навук (выкананне навукова-даследчых, вопытна-канструктарскіх або вопытна-тэхналагічных працаў) і рэалізацыя вынікаў такіх даследаванняў і распрацовак. Вытворчасць і рэалізацыя прадукцыі.
Унітарнае прадпрыемства «СКБ Захад» мае вопытную вытворчасць з сучасным станковым паркам абсталявання для выпуску вырабаў, якія распрацоўваюцца. Кваліфікацыя рабочых дазваляе выконваць такарныя, фрэзерныя, шліфавальныя, зварачныя, слясарна-зборачныя і мантажныя працы рознай ступені складанасці.